باز پرمار

پـرمـار باز Bonelli’s Eagle / Hieraaetus fasciatus /
باز پرمار
هن جنس جي نر ۽ ماديءَ جو رنگ روپ هڪجهڙو ٿئي ٿو پر مادي قدبت ۾ ڪجهه وڏي ٿئي ٿي، پٺي چمڪدار ناسي ۽ اندرئين پاسي پيٽ تي ناسي ڪارا لينگها ٿين ٿا، ڊگهي ۽ ويڪري پڇ تي هلڪي ۽ گهري رنگ جون ڌاريون اٿس.
مٿي کان جسم اڇو، ۽ پرن هيٺيان ڪارسرو ناسي پٽو ھوندو اٿس، ڳچي سڄي اڇي جنهن تي ڪارڙا لينگها اٿس، پرن جا ڪنارا ۽ پويان پر ڪارا اٿس، پڇ جي چوٽيءَ کان مٿي تائين هلڪا ۽ گهرا پٽا ٿينس ٿا، ٻچٽ جي جسم جو مٿيون حصو ۽ اندريان پَـر ڳاڙهسرا هيڊا ھوندا آھن. پَـرن جي ٻاهرين پوئين اڇي ڀاڱي تي ڪارا پٽا ھوندا آھن، سرمائي پڇ اٿس جنهن تي پٽا ڪونه ٿين. ھي باز ماحول : 3 سان تعلق رکي ٿو.